نقدر نتعامل معاه عن طريق 5 حاجات أساسية – ان شاء الله نعملهم كلنا قبل ما نسيب الصفحة دي
بالعربي بنتكلم وبنحكي… بالعربي بنتعلم
هذا العرض التقديمي باللغة العربية
ده أحد أهداف نظم – ممكن يكون واضح حتى في الشعار
هنكتب العربي زي ما بنقوله
وهنا نبدأ
في الحقيقية العرض التقديمي ده قديم جداً جداً جداً
يعني سنة 2009 كده
لما شكل العالم اتغير…
اتغير ازاي يعني؟ لما مجموعة من الحقائق اللي تصل لمرحلة المفاجات باتت واضحة
مفاجات زي ايه؟
- ان أكتر الوظائف المطلوبة سنة 2010 ماكانتش موجودة سنة 2004
عندك دليل على الكلام ده؟
أيوه طبعا, مش واخد بالك ولا ايه؟ شوف الشريحة رقم 7 هتلاقي صور لمواقع بتتكلم عن الكلام ده شريحة 8 بتعرضلك وظايف ماكانتش موجوده ومرتباتها ولو دورت تعرف توصيفها
و ايه المشكلة؟
أبداً, ولا مشكلة ولا حاجة… حاجة بسيطة
- اللي بتدرسه دلوقتي بيحضرك لوظيفة مش موجودة أصلاً
- هتسجل ماجيستير ودكتوراه في حاجات مش موجودة أصلاً
- هتحل مشكلات مش موجودة أصلاً
شريحة 12 فيها مجموعة من التخصصات الجديدة الناتجة عن دمج تخصصات منفصلة
شريحة 14 و15 بتعرض نماذج لابتكارات موجودة فعلا على أرض الواقع وممكن ترجع ليها لوتحب تعرف تفاصيل أكتر
أيوه أنا عارف ان التكنولوجيا بتتغير بسرعة وكل يوم في جديد
الجديد ده ليه هاردوير وسوفت وير ونظم تشغيل وحاجات كتير
بس ايه المشكلة يعني؟ حاجات كتير… نذاكرها ونتعلمها….
أقولك فين المشكلة… المشكلة ان كل ده كان بس… البداية
وزارة القوى العاملة الأمريكية بتقول ان الطالب الأمريكي هيغير من 10 الى 14 وظيفة قبل ما يكمل 38 سنة
يعني لو الطالب بيتخرج عنده 21 سنة هيشتغل من 10 – 14 شغلانات في 17 سنة
نسب الموظفين الجداد في الشركات عالية جدا
عارف ده معناه ايه؟ ان الحلم الجميل بتاع الجدود ان الشغل في شركة ثم الترقية فيها حتى الوصول لمنصب كبير ثم المعاش… مش موجود
هتضطر تمر بظروف وصعاب وتحديات وتغيرات في منتصف الطريق؟
أكيد
التحديات دي على مستوى ايه؟ المعلومات
المعلومات بتضاعف بطريقة رهيبة
المعلومات التقنية تتضاعف كل سنتين… سلايد 30
الحل؟
5 حاجات
1 – نفضل نتعلم طول الوقت: في كل وقت وفي كل مكان – استخدم أي حاجة وكل حاجة علشان تتعلم – ورقة قلم موبايل انترنت اي باد أي حاجة وكل حاجة
2 – معرفة كيف تعمل الأشياء وفهم الخبايا – مش مجرد تشغيلها فقط – فمعرفة الخبايا تفتح افاق جديدة وتتيح فرص أفضل لمواكبة التغيير
3 – ركز على الجوهر مش المصدر: علم المولى عزوجل قابيل كيفية مواراة سوءة أخيه بواسطة غراب وكان من الممكن وجود طرق أخرى الا أنه قد تكون من الحكم أن يتعلم الانسان أن يتعلم من كل المصادر
4 – اداب العلم: شريحة 45 و أضف عليها قول الامام الشافعي رحمة الله عليه: شكوت الى وكيع سوء حفظي فأخبرني بأن العلم نور ونور الله لا يهدى لعاصي
5 – اشترك مع نظم
بصراحة كانت محاضرة رائعة استمتعت بيها جداً جداً و الحضور كان كبير على الرغم من انها كنت اول محاضرة في المؤتمر. اشكرك يا هيثم على مجهودك و جزاك الله عنا خيراً
بصراحه السيشن كانت حلوه اوى وخفيفه والناس كلها كانت متجاوبه.
بالتوفيق :)
سيشن كان خفيف و أكثر من رائع .. و استفدت منه كتير
شكرا جزيلا د.هيثم و جزاك الله كل خير.
حقيقي السيشن كانت روعه يا بشمهندس هيثم
وبجد الكلام كان محفز لينا جداً
وخصوصاً لما حضرتك كررت اننا بنتعلم عشان نعمل حاجات لسه مش موجوده اصلا
الجملة دي خلت الواحد حس فعلا بقيمته كواحد من الناس الي بتشتغل ف المجال ده
المهندس أحمد سليمان
المهندسة مروة فهمي
المهندس أحمد الجرايحي
شكراً جزيلاً لكم على الدعم والحضور والمشاركة
الحمد لله أن السيشن أعجبتكم
ان شاء الله – القادم أفضل
محاضرة متميزة و سريعة و كانت افضل مقدمة لمؤتمر نظم الأول
شكرا جزيلا د. هيثم
بسم الله ماشاء الله على د هيثم
كانت بدايه موفقه لنظم انها افتتحت ب د هيثم
سيشن أكثر من هائل وبيفتح آفاقنا ومداركنا بأننا لانتوقف أبدا
ما شاء الله يا دكتور كان سشن جااااااااامد جدا
ربنا يبارك ان شاء الله
بجد دي كانت محاضره جامده اوي يا دكتور هيثم
ربنا يكرمك يا رب
بجد ماشاء الله كان سيشن فوق الممتاز
ربنا يوفقك يادكتور هيثم يارب
بجد المؤتمر كله كان جامد واستفدنا منه كتير
وكانت بدايه كويسه جدااااااا لنظم
ربنا يجعله فى ميزان حسناتكم يارب
زي ما قلت قبل كده, كان اختيار موفق جداً انه دكتور هيثم اللي يبدأ
بجد اكثر من رااائعه , وساعدت كثير ف اننا نستمتع بالمؤتمر ونقرر نقعد للآخــر :”)
مش عارف ارد اقول ايه
بس الحقيقه اني كل ما بسمع بشمهندس هيثم
مش بحس انه اكاديمي كده او انه مدرس مساعد في الكليه
أد ما بحس انه قريب من الطلبه وسوق العمل والجديد في نفس الوقت
فربنا يباركله يارب ويثبت خطاه دايما .
اعجبني اوي الفديو وطريقة الالقاء , دا متعودينه من حضرتك , كمان اعجبني الاستشهاد بالامام الشافعي , والاهتمام باللغه العربيه في البرزنتيشن , انا كان نفسي اكون موجود أستمع لها عن قرب.
في انتظار المزيد ان شاء الله
فعلا الفيديو اكثر من رائع يا د/هيثم وباالتوفيق دائما.
اليوم كله كان رائع جدا وخصوصا سيشن اتعلم تتعلم
كانت رائعة بجد ومحفزة جدا وكانت خير بداية لليوم بصراحة
بالتوفيق لفريق نظم
المهندس محمد فاروق
المهندس عبدالله
المهندسة الاء جلال
المهندس محمد جمال
المهندس أحمد سعد
المهندسة نورا عماد
المهندسة أسماء سمير
المهندس أحمد عصام
المهندس أحمد عمارة
المهندسة دنيا الزيني
المهندسة هند
بجد مش عارف أشكركم ازاي على تشجيعكم ودعمكم اللي ان شاء الله يبقى دايما حافز قوي لينا للأمام
بحلم ان فعلا تكون السيشن فيدة والحمد لله انها كانت بداية موفقة – فضل من الله
وان شاء الله القادم أفضل
أرجوكم – ابقوا على اتصال مع نظم
ما شاء الله والله كلام جامد وجه فى وقته والله يا دكتر هيثم بس دى البدايه ان شاء الله نكملوا المشوار واللى جاى احسن
بجد استفدت منها كتير اوى ووضحتلى حاجات كتير مهمة
فى انتظار المزيد
بالتوفيق ان شاء الله
بسم الله ما شاء الله السيشن جميل جدا
ويشجع على المضي للأمام..
بالتوفيق….
المهندس محمد عبدالسلام
المهندس محمد يوسف
المهندسة أسماء
شكراً جزيلاً
في الحقيقة – أتمنى من كل الناس اللي عجبتها المحاضرة – انها تساعدني في اعداد الجزء الثاني من المحاضرة
لو حد مستعد يساعد ممكن يبعتلي ع الفيس – أو ع الميل
helghareeb@facebook.com
helghareeb@gmail.com
في انتظاركم – ممكن تساعد بمصادر – أفكار – مقترحات – تحسينات
اكتر من رائع استفدت جدا وبسم الله ما شاء الله دماغك كويسة اوي ربنا يحميك…..
السلام عليكم..
أتمنى أن ترفع المحاضرة على يوتيوب ، لأنني حاولت أن أراها على فيميو لكنني لم أستطع.
شكرا جزيلا لكم .